Бұл типтік конфигурация бір бас кеңсені және интернет арқылы бас кеңсеге хабарласа алатын көптеген шағын қашықтағы кеңселерді ұсынады. Қашықтағы кеңселердің әрқайсысы Network Address Translation (бұдан әрі - NAT) артында орналасқан, яғни бір қашықтағы кеңседен екіншісіне қосылу мүмкін емес, кеңселер бір-бірінен оқшауланған.
Бас кеңседе Басқару серверін орналастыру керек, ал қалған кеңселерде бір немесе бірнеше тарату нүктесін тағайындау керек. Кеңселер арасындағы байланыс интернет арқылы жүзеге асырылатындықтан, тарату нүктелері үшін Жаңартуларды тарату орындарының қоймаларына жүктеп алу тапсырмасын, тарату нүктелері жаңартуларды Басқару серверінен емес, тікелей "Лаборатория Касперского" серверлерінен, жергілікті немесе желілік қалталардан жүктеп алатындай етіп жасаған жөн.
Егер қашықтағы кеңседе құрылғылардың бір бөлігі Басқару серверіне тікелей қатынаса алмаса (мысалы, Басқару серверіне интернет арқылы қатынасады, бірақ интернетке құрылғылардың барлығы бірдей қатынаса алмайды), онда тарату нүктелерін шлюз режиміне ауыстыру керек. Бұл жағдайда, қашықтағы кеңседегі құрылғылардағы Желілік агенттер Басқару серверіне тікелей емес, шлюз арқылы қосылады (синхрондау мақсатында).
Басқару сервері қашықтағы кеңседе желіні сұрай алмайтындықтан, бұл функцияның орындалуын тарату нүктелерінің біріне жүктеген жөн.
Басқару сервері қашықтағы кеңседе NAT артында орналасқан басқарылатын құрылғыларға 15000 UDP портына хабарландыру жібере алмайды. Бұл мәселені шешу үшін тарату нүктелері болып табылатын құрылғылардың сипаттарында Басқару серверіне тұрақты қосылым режимін қосуға болады (Басқару серверімен байланысты үзбеу жалаушасы). Егер тарату нүктелерінің жалпы саны 300-ден аспаса, бұл режим қолжетімді болады. Басқарылатын құрылғы мен Басқару сервері арасындағы тұрақты байланысты қамтамасыз ету үшін push серверлерін пайдаланыңыз. Қосымша ақпарат алу үшін келесі бөлімдерді қараңыз: Тарату нүктесін хабарлаушы сервер ретінде қолдану.